У Мінску банкрутуе кампанія «Фармін», якая раней была буйным гульцом на фармацэўтычным рынку. Гэта вынікае са звестак адзінага дзяржрэгістра звестак пра банкруцтва.
«Фармін» быў буйным дыстрыб’ютарам фармацэўтычных прэпаратаў. Аднак у лістападзе 2022 года фірма пачала працэс ліквідацыі. Прычынай сталі фінансавыя цяжкасці. Больш чым праз два гады ў Эканамічным судзе Мінска разгледзелі справу пра банкруцтва кампаніі. З заявай звярнуліся самі ўладальнікі фірмы.
Аказалася, што агульная пазычанасць перад крэдыторамі ў яе перавышае 21,3 млн рублёў у эквіваленце. А кошт актываў — крыху вышэйшы за 2,1 млн рублёў. Сюды ўваходзіць невялікая нерухомасць У Гомелі, даўгі іншых кампаній «Фарміну» і сродкі на рахунках у банку.
У выніку суддзя распачаў справу пра банкруцтва і адкрыў конкурсную вытворчасць. Гэта працэдура эканамічнай неплацежаздольнасці. Яе праводзяць для таго, каб задаволіць патрабаванні крэдытораў, абараніць правы даўжніка, а таксама інвестараў пры санацыі (аздараўленні). Калі немагчыма правесці санацыю ці адсутнічаюць для яе падставы, то запускаецца ліквідацыйная вытворчасць даўжніка.
«Фармінам» валодае Інакенцій Ясноўскі. Кампанія працавала ў Беларусі з 2000 года. Яна займалася оптавым гандлем фармацэўтычнымі, ветэрынарнымі, медыцынскімі і артапедычнымі таварамі. То-бок забяспечвала імі аптэкі. Таксама кампанія праз «дачку» «Партнёр Медытэк» мела сваю сетку — «Любімая аптэка». Але апошняя сышла ў банкруцтва год таму. А сетку аптэк тады распрадалі па частках «АльфаАптэцы» і «Аптэцы груп».
Чытайце таксама
