Камітэт дзяржаўнай бяспекі працягвае абнаўляць спіс «асобаў, якія маюць дачыненне да тэрарыстычнай дзейнасці». У новай версіі пераліку з’явіліся прозвішчы яшчэ сямі беларусаў. Цяпер у ім 941 прозвішча, з іх амаль 200 чалавек — беларусы.
На сайце КДБ з’явілася новая версія спісу, датаванага 3 лістапада (папярэднія змены ўносіліся 18 кастрычніка), у ім сем новых прозвішчаў:
- 22-гадовы мінчанін Уладзіслаў Трызна. Гаворыцца, што ў дачыненні да яго ўступіў у законную сілу прысуд па арт. 130 (распальванне расавай, нацыянальнай, рэлігійнай альбо іншай сацыяльнай варожасці) КК Беларусі;
- 29-гадовы жыхар Наваполацка Станіслаў Пугачоў. Гаворыцца, што ў дачыненні да яго ўступіў у законную сілу прысуд па арт. 130 (распальванне расавай, нацыянальнай, рэлігійнай альбо іншай сацыяльнай варожасці) КК Беларусі. Насамрэч былога следчага асудзілі на сем гадоў калоніі па трох артыкулах КК (арт. 130 (распальванне сацыяльнай варожасці), арт. 293 (масавыя беспарадкі) і арт. 361 (заклікі да мераў абмежавальнага характару (санкцый)). Прызнаны палітвязнем;
- 25-гадовы мінчанін Данііл Багдановіч. Абвінавачваецца па арт. 130 (распальванне сацыяльнай варожасці) і арт. 361 (заклікі да мераў абмежавальнага характару (санкцый)) КК Беларусі;
- 28-гадовая мінчанка Яніна Сазановіч. Абвінавачваецца па арт. 130 (распальванне сацыяльнай варожасці) і арт. 361 (заклікі да мераў абмежавальнага характару (санкцый)) КК Беларусі;
- 21-гадовая жыхарка Гродна Валерыя Занямонская. Абвінавачваецца па арт. 130 (распальванне сацыяльнай варожасці) і арт. 361 (заклікі да мераў абмежавальнага характару (санкцый)) КК Беларусі;
- 23-гадовая Вольга Высоцкая. Абвінавачваецца па арт. 130 (распальванне сацыяльнай варожасці) і арт. 361 (заклікі да мераў абмежавальнага характару (санкцый)) КК Беларусі;
- 44-гадовы Дзмітрый Навоша. Абвінавачваецца па арт. 130 (распальванне сацыяльнай варожасці) і арт. 361 (заклікі да мераў абмежавальнага характару (санкцый)) КК Беларусі. Нагадаем, яго будуць судзіць завочна.
У «тэрарыстычным» спісе КДБ ужо ёсць Святлана Ціханоўская, Павел Латушка, Марыя Калеснікава, Максім Знак, Марына Золатава і іншыя.