У TikTok абмяркоўваюць абноўлены фасад «Інтэграла». Яшчэ нядаўна будынак на вуліцы Казінца выглядаў як звычайная савецкая пабудова, але пасля мадэрнізацыі тут з’явілася яркае падсвятленне, піша CityDog.io. Вось што думаюць з гэтай нагоды беларусы.
Блогер з нікам darakhovich паказаў, як выглядае абноўлены будынак: фасад аздобілі металічнымі панелямі і дадалі яркае падсвятленне. «Усё гэта глядзіцца выдатна і сучасна», — лічыць аўтар відэа.
@darakhovich #необычно #красиво #подсветка #беларусь #интеграл #минск ♬ оригинальный звук — darakhovich
Што думаюць беларусы?
Меркаванні ў каментарах падзяліліся: частка карыстальнікаў хваліць абноўлены выгляд завода, а хтосьці перажывае праз тое, як з такой яркасцю будуць спраўляцца жыхары дамоў насупраць.
Шэраг каментатараў наогул здзіўляецца, навошта такое афармленне спатрэбілася стратнаму прадпрыемству, дзе мадэрнізацыя патрабуецца ў першую чаргу ўнутры.
«Ну, фасад аздобілі яны, а бачылі б вы знутры той жа транзістар: там, прабачце, страшна глядзець на траціну памяшканняў і злучных калідораў. А абсталяванне з якога года стаіць і ўжо проста моліць пра замену. Адзінае, праз што там можна было не звар’яцець, — гэта адносна танная сталоўка з добрай якасцю прадуктаў», — піша пад відэа адзін з былых супрацоўнікаў.
«Нікому не пажадаю ўбачыць „Інтэграл“ знутры», — дадае беларуска.
«Лепш бы работнікам суму аддалі, якую сюды ўбухалі: чысты прыклад, як грошыкі ідуць не туды, куды трэба, а на панты. „Інтэграл“ — стратнае прадпрыемства, затое фасад з лэд-стужкай, а работнікі капейкі атрымліваюць», — лічыць яшчэ адзін каментатар.
А хто займаецца мадэрнізацыяй «Інтэграла»?
Пра мадэрнізацыю «Інтэграла» казалі яшчэ летам 2023-га — і не дзе-небудзь, а на сесіі «Саюзная дзяржава: стратэгія ўзаемадзеяння Расіі і Беларусі», якая праходзіла ў рамках XXVI Пецярбургскага міжнароднага эканамічнага форуму.
— Мы пачынаем глыбокую мадэрнізацыю завода «Інтэграл», яна будзе праведзеная да 2030 года. Цяпер ідуць праектныя работы, выбіраюцца пастаўшчыкі абсталявання. Адпаведна, на пляцоўцы плануецца выпускаць электронную кампанентную базу і пачаць вытворчасць там не менш чым 100 новых вырабаў, — казаў тады намеснік міністра прамысловасці і гандлю Расійскай Федэрацыі Віктар Еўтухоў.
Тым не менш абнаўленне фасадаў прайшло цалкам за кошт прадпрыемства.
Чытайце таксама на CityDog.io:
Владелец кофейни Varka разругался с клиенткой из-за ноута. И выложил историю в YouTube
Туда стоит поехать: беларусы рассказывают о своих самых крутых находках для поездок на выходные